Categories
அரசாணைகள்/ஆவணங்கள்/கடிதங்கள் சவால்முரசு மாற்றுத்திறனாளிகள் நலத்துறை

மாற்றுத்திறனாளிகள் நலத்துறையில் முதல்வர் ஆய்வு: தமிழக அரசின் செய்தி வெளியீடு

மாற்றுத்திறனாளிகளுக்கு மறுவாழ்வு வழங்கிய வகையில் இந்தியாவிலேயே சேலம் மாவட்டம் சிறந்த மாவட்டமாக தேர்வு செய்யப்பட்டிருக்கிறது

மாண்புமிகு தமிழ்நாடு முதலமைச்சர் திரு . மு.க. ஸ்டாலின் அவர்கள் இன்று ( 6.6.2022 ) சென்னை , காமராஜர் சாலையில் உள்ள மாற்றுத் திறனாளிகளுக்கான மாநில ஆணையர் அலுவலகத்தில் , இந்தியாவிலேயே முதல்முறையாக தமிழ்நாட்டில் மாற்றுத்திறனாளிகள் தாங்கள் பயன்படுத்த விரும்பும் உதவி உபகரணங்கள் வகை மற்றும் மாதிரியின் தேர்வினை வழங்கும் வகையில் நேரடி மானியம் வழங்கும் திட்டத்தை ( Choice Based System of providing assistive devices ) தொடங்கி வைத்து , முதற்கட்டமாக ரூ .9.50 கோடி மதிப்பில் 7,219 மாற்றுத்திறனாளிகள் பயன்பெறும் வகையில் , 6 மாற்றுத்திறனாளிகளுக்கு உதவி உபகரணங்களை வழங்கி உரையாடினார் . இந்நிகழ்வின்போது , மாண்புமிகு சமூகநலம் மற்றும் மகளிர் உரிமைத் துறை அமைச்சர் திருமதி கீதா ஜீவன் , தலைமைச் செயலாளர் முனைவர் வெ . இறையன்பு , இ.ஆ.ப. , மாற்றுத்திறனாளிகள் நலத் துறைச் செயலாளர் திரு . ஆர் . லால்வேனா , இ.ஆ.ப. , மற்றும் அரசு உயர் அலுவலர்கள் உடனிருந்தனர் .
மாண்புமிகு தமிழ்நாடு முதலமைச்சர் திரு . மு.க. ஸ்டாலின் அவர்கள் இன்று ( 6.6.2022 ) சென்னை , காமராஜர் சாலையில் உள்ள மாற்றுத் திறனாளிகளுக்கான மாநில ஆணையர் அலுவலகத்தில் , தென்னிந்தியாவிலேயே முதல்முறையாக “ அனைத்தும் சாத்தியம் ” என்ற பெயரில் ரூ .1 கோடி மதிப்பீட்டில் அமைக்கப்பட்டுள்ள மாற்றுத் திறனாளிகளுக்கான அருங்காட்சியகத்தை திறந்து வைத்தார் . இந்நிகழ்வின்போது , மாண்புமிகு சமூகநலம் மற்றும் மகளிர் உரிமைத் துறை அமைச்சர் திருமதி கீதா ஜீவன் , தலைமைச் செயலாளர் முனைவர் வெ . இறையன்பு , இ.ஆ.ப. , மாற்றுத்திறனாளிகள் நலத் துறைச் செயலாளர் திரு . ஆர் . லால்வேனா , இ.ஆப. , மாற்றுத்திறனாளிகள் நலத் துறை இயக்குநர் திரு . ஜானி டாம் வர்கீஸ் , இ.ஆ.ப. , தமிழ்நாடு மாற்றுத்திறனாளிகள் நல வாரிய உறுப்பினர்கள் மற்றும் அரசு உயர் அலுவலர்கள் உடனிருந்தனர் .
மாண்புமிகு தமிழ்நாடு முதலமைச்சர் திரு . மு.க. ஸ்டாலின் அவர்கள் தலைமையில் இன்று ( 6.6.2022 ) சென்னை , காமராஜர் சாலையில் உள்ள மாற்றுத் திறனாளிகளுக்கான மாநில ஆணையர் அலுவலகத்தில் மாற்றுத்திறனாளிகள் நலத்துறையின் செயல்பாடுகள் குறித்து ஆய்வுக் கூட்டம் நடைபெற்றது . இக்கூட்டத்தில் , மாண்புமிகு சமூகநலம் மற்றும் மகளிர் உரிமைத் துறை அமைச்சர் திருமதி கீதா ஜீவன் , தலைமைச் செயலாளர் முனைவர் வெ . இறையன்பு , இ.ஆ.ப. , மாற்றுத்திறனாளிகள் நலத் துறைச் செயலாளர் திரு . ஆர் . லால்வேனா , இ.ஆ.ப. , மாற்றுத்திறனாளிகள் நலத் துறை இயக்குநர் திரு . ஜானி டாம் வர்கீஸ் , இ.ஆ.ப. , தமிழ்நாடு மாற்றுத்திறனாளிகள் நல வாரிய உறுப்பினர்கள் மற்றும் அரசு உயர் அலுவலர்கள் கலந்து கொண்டனர் .
செய்தி வெளியீடு எண் : 912 மாற்றுத்திறனாளிகள் நலத்துறையின் செயல்பாடுகள் குறித்து மாண்புமிகு தமிழ்நாடு முதலமைச்சர் திரு.மு.க.ஸ்டாலின் அவர்கள் தலைமையில் நடைபெற்ற ஆய்வுக் கூட்டத்தில் ஆற்றிய உரை – 6.6.2022 மாண்புமிகு சமூக நலன் மகளிர் உரிமைத் துறை அமைச்சர் அவர்களே ! தலைமைச் செயலாளர் உள்ளிட்ட அரசு அதிகாரிகளே ! மாற்றுத்திறனாளிகள் நலத் துறை அரசுச் செயலாளர் அவர்களே ! மாற்றுத்திறனாளிகள் நலத் துறை இயக்குநர் திரு . ஜானி டாம் வர்கீஸ் , I.A.S. , அவர்களே ! வருகை தந்திருக்கக்கூடிய அலுவலர் பெருமக்களே ! உங்கள் அனைவருக்கும் என்னுடைய அன்பான வணக்கம் ! எத்தனையோ துறைகள் இருந்தாலும் , நான் என் கையில் வைத்திருக்கக்கூடிய துறை இந்த மாற்றுத்திறனாளிகள் துறை என்பது உங்களுக்கெல்லாம் தெரியும் . இந்தத் துறையை நான் வைத்துக் கொண்டு இருக்கிறேன் என்று சொன்னால் முத்தமிழறிஞர் கலைஞர் அவர்களுடைய துறையை நான் வைத்துக்கொண்டிருக்கிறேன் என்று பொருள் . தலைவர் கலைஞர் அவர்கள் மாற்றுத்திறனாளிகள் மீது நீங்காத பற்றும் , பாசமும் கொண்டவர் . உடல் ஊனமுற்றோர் என்ற சொல்லே , அவர்களை நோகடிக்கும் சொல்லாக இருந்த காரணத்தால் தான் , அதனை மாற்றி மாற்றுத்திறனாளிகள் என்ற தன்னம்பிக்கைச் சொல்லை உருவாக்கிக் கொடுத்தவர் முத்தமிழறிஞர் தலைவர் கலைஞர் அவர்கள் . இந்தியாவிலேயே முதன்முறையாக மாற்றுத்திறனாளிகளின் நல்வாழ்விற்காகத் தனித் துறையை உருவாக்கினார் . உருவாக்கினது மட்டுமல்ல , தன்னுடைய நேரடி கட்டுப்பாட்டில் வைத்து பல்வேறு திட்டங்களை அதற்காக உருவாக்கித் தந்திருக்கிறார் . தொழுநோய் இரவலர் மறுவாழ்வுத் திட்டம் , கண்ணொளி வழங்கும் திட்டம் ,
மூன்று சக்கர சைக்கிள்கள் , சக்கர நாற்காலிகள் , அலுமினியத் தாங்கிகள் உள்ளிட்ட கருவிகள் வழங்கும் திட்டம் , ● மாத ஓய்வூதியத் திட்டம் , • பராமரிப்பு உதவித்தொகை , திருமண உதவித்தொகை , அரசுப் பேருந்துகளில் இலவசப் பயணச் சலுகை , கல்வி உதவித்தொகை , • கல்லூரிகளில் கல்விக் கட்டணம் , சிறப்புக் கட்டணம் , தேர்வுக் கட்டணம் ரத்து இப்படி பல்வேறு திட்டங்கள் இன்று அமலில் இருக்கிறது என்று சொன்னால் , இவை அனைத்தையும் உருவாக்கியவர் முத்தமிழறிஞர் கலைஞர் அவர்கள் அந்த வகையில் இன்னும் சிறப்பு கவனம் எடுத்து , நாம் நல்ல முன்னெடுப்புகளைத் தொடர்ந்து செய்து கொண்டிருக்கிறோம் . இந்த ஆட்சி அமைந்த போது கொரோனா என்ற பெருந்தொற்று பரவி இருந்தது . அந்தச் சூழலில் , மாற்றுத்திறனாளிகளுக்கு தடுப்பூசி போடுவதற்காக தடுப்பூசி மையங்களில் தனியாக ஒரு பிரிவு , தனி வரிசை , சாய்வுதள வசதி உருவாக்கி தடுப்பூசி முகாம்களை நடத்தியிருக்கிறோம் . இன்னும் சொல்ல வேண்டுமென்றால் , வீட்டிற்கே சென்று தடுப்பூசியைச் செலுத்தி , கொரோனா பெருந்தொற்று நேரத்தில் இந்த அரசு மாற்றுத்திறனாளிகளின் பாதுகாப்பிற்கு மிகப்பெரிய நம்பிக்கையைக் கொடுத்தது . பன்னிரெண்டாம் வகுப்பு துணைத் தேர்வுகளைத் தனித் தேர்வர்களாக எழுத விண்ணப்பித்த மாற்றுத்திறனாளி மாணவர்கள் அனைவருக்கும் தேர்வு எழுதுவதில் இருந்து விலக்கு அளித்திருக்கிறோம் . அது மட்டுமல்லாமல் , அனைவரும் வெற்றி பெற்றதாக அறிவித்தோம் . அவர்களுக்கு உயர் கல்வி நம்பிக்கையை ஏற்படுத்தித் தந்திருக்கிறோம் . கொரோனா தொற்று நேரத்தில் , மாற்று திறனாளிகளின் வீட்டிற்கே சென்று அத்தியாவசியப் பொருட்களையெல்லாம் வழங்கியிருக்கிறோம் .
அரசினுடைய ரிக்கார்டுகளில் பதிவு செய்தவர்களுக்கு மட்டுமன்றி , பதிவு செய்யப்படாத மாற்று திறனாளிகளுக்கும் வழங்கி , அவர்களின் வாழ்வாதாரத்தின் மீது மிகப்பெரிய நம்பிக்கையை ஏற்படுத்திய அரசுதான் இந்த அரசு . இதனுடைய தொடர்ச்சியாக இந்த ஓராண்டு காலத்தில் , எத்தனையோ அரிய பணிகள் மாற்றுத்திறனாளிகளின் நன்மைக்காக நாம் செய்து கொண்டிருக்கிறோம் . ● உதவி உபகரணங்கள் வேண்டி விண்ணப்பித்த காத்திருப்போர் பட்டியலிலுள்ள அனைத்து மாற்றுத்திறனாளிகளுக்கும் உதவி உபகரணங்கள் வழங்க ரூபாய் 62 கோடியே 50 லட்சம் நிதி ஒதுக்கீடு செய்யப்பட்டுள்ளது என நான் அறிவிப்பு செய்தேன் . • 70 கோடியே 76 லட்சம் ரூபாயில் , 37,660 மாற்றுத்திறனாளிகளுக்கு உதவி உபகரணங்கள் வழங்கப்பட்டுள்ளன . • 1,228 மாற்றுத்திறனாளிகளுக்கு இணைப்புச் சக்கரங்கள் பொருத்தப்பட்ட பெட்ரோல் ஸ்கூட்டர்கள் வழங்கப்பட்டுள்ளன . ரூபாய் 360 கோடியே 21 லட்சம் அளவுக்கு 2,11,505 பயனாளிகளுக்குப் பராமரிப்பு உதவித்தொகை வழங்கப்பட்டிருக்கிறது . மாற்றுத்திறனாளிகளுடன் செல்லும் ஒரு உதவியாளர் , அரசுப் போக்குவரத்துக் கழகங்களால் இயக்கப்படும் சாதாரண பேருந்துகளில் கட்டணமில்லாப் பயணம் மேற்கொள்ள அரசாணை வெளியிடப்பட்டுள்ளது . • மாற்றுத்திறனாளிகளின் நலனுக்கென நமது நாட்டில் மட்டுமன்றி , உலகிலேயே முன்மாதிரி திட்டமாக ரூ . 1,709 கோடி செலவில் “ RIGHTS ” அதாவது “ உரிமைகள் ” என்ற திட்டம் செயல்படுத்தப்பட தீவிர நடவடிக்கை எடுக்கப்பட்டு வருகிறது . ● மாற்றுத்திறனாளிகளின் சிறப்பான சேவையாற்றியவர்களுக்கு மாநில அளவிலான விருதும் வழங்கப்படுகிறது . தொழுநோயால் பாதிப்படைந்தவர்களின் மறுவாழ்விற்கான மல்லவாடி அரசு மறுவாழ்வு இல்லத்தில் , ரூபாய் 1 கோடியே 65 லட்சம் மதிப்பீட்டில் புதிய கட்டடம் கட்டப்பட உள்ளது . நலனிற்காகச் முறையில்
அண்ணா நூற்றாண்டு நூலகத்தில் , நூல் கட்டுநர் மற்றும் நூல் கட்டும் உதவியாளர் பணியிடங்களுக்குப் பார்வைக் குறைவுடைய 31 நபர்கள் சிறப்பு நேர்வாகப் பணி நியமனம் செய்யப்பட்டு உள்ளார்கள் . ● அறநிலையத்துறையின்கீழ் உள்ள திருக்கோயில்கள் மற்றும் திருக்கோயிலுக்குச் சொந்தமான திருமண மண்டபங்களில் மாற்றுத்திறனாளிகளுக்கு இலவச திருமணத் திட்டம் அறிவிக்கப்பட்டு செயல்படுத்தப்படுகிறது . இப்படி ஓராண்டில் , மாற்றுத் திறனாளிகள் வாழ்வில் வசந்தத்தை ஏற்படுத்திட பல்வேறு நலத்திட்டங்களை நாம் அறிவித்து இருக்கிறோம் . தலைவர் கலைஞர் அவர்கள் தமிழகத்தினுடைய முதலமைச்சராக இருந்தபோது , மாற்றுத்திறனாளிகள் நலத்துறையை தன்னுடைய கையில் வைத்துக்கொண்டு எவ்வாறு பணியாற்றினாரோ , அதே வழியில் நின்று , இன்றைக்கு நானும் , இந்த அரசும் பணியாற்றிக் கொண்டிருக்கிறோம் . இந்தியாவில் மாற்றுத்திறனாளிகளுக்குச் சிறப்பான சேவை வழங்கியமைக்காக , தமிழ்நாடு முதல் மாநிலமாகத் தேர்வு செய்யப்பட்டு , மாண்புமிகு குடியரசுத் தலைவர் அவர்களால் , சர்வதேச மாற்றுத்திறனாளிகள் தினமான 03.12.2021 அன்று தமிழ்நாடு அரசுக்கு விருது வழங்கப்பட்டிருக்கிறது . மாற்றுத்திறனாளிகளுக்கு மறுவாழ்வு வழங்கிய வகையில் இந்தியாவிலேயே சேலம் மாவட்டம் சிறந்த மாவட்டமாக தேர்வு செய்யப்பட்டிருக்கிறது . சிறப்பாகச் செயல் புரிந்தமைக்காக இந்திய அளவில் மாற்றுத்திறனாளிகளுக்கு வழங்கப்படுகின்ற விருதுகளில் தமிழ்நாட்டைச் சேர்ந்த 6 மாற்றுத்திறனாளிகளுக்கு விருது என இந்த “ முப்பெரும் விருதுகளை ” குடியரசுத் தலைவர் அவர்களின் கையால் பெற்ற மாநிலம் தான் நம்முடைய மாநிலம் . மாநிலத்திற்கான விருதைப் பெற்று , சமூகநலத்துறை அமைச்சர் அவர்கள் கோட்டைக்கு வந்து என்னிடத்தில் அதை வழங்கினார் . அந்த விருதைப் பெறும் போது , மிகப் பெருமையாக எனக்கு இருந்தது . இத்தோடு நிற்காமல் மேலும் , நாம் முன்னேற்றம் காண வேண்டும் என்று தோன்றியது . நாம் ஒவ்வொரு வருடமும் இந்த விருதுகளைப் பெற வேண்டும் , அதுதான் என்னுடைய விருப்பம் .

பின் இணைப்பு:

https://www.hindutamil.in/news/tamilnadu/810405-what-are-the-special-features-of-the-differently-museum-opened-by-cm-mk-stalin.html

Discover more from தொடுகை

Subscribe to get the latest posts sent to your email.

உங்கள் கருத்தைப் பதிவு செ்யவும்.